Daniel Siegel en Tina Payne Bryson toon in hul boek, The yes brain child, treffend aan hoedat ‘n kind gehelp kan word om ja te sê vir die wêreld. Die riglyne is daarop gerig om hulle aan te moedig om hul denke oop te stel vir nuwe uitdagings en nuwe geleenthede en ook te besef oor watter potensiaal hulle reeds beskik - dit gaan daaroor om aan hulle ‘n Ja-Brein te gee. Hierteenoor veroorsaak ‘n Nee-Brein dat die kind in reaksie is teenoor ander en dit maak dit bykans onmoontlik om te luister, te fokus en goeie besluite te neem. Wanneer ouers en opvoeders help om ‘n Ja-Brein by kinders te vestig, impliseer dit tegelykertyd ook die vestiging van emosionele intelligensie asook vaardighede om krisisse en trauma in die toekoms te kan hanteer.
In hierdie kursus gaan ons enersyds let op die belangrikste riglyne vanuit Siegel en Bryson se boek, en andersyds ook in watter mate dit ooreenstem met soortgelyke beginsels wat eeue gelede reeds in die Woord vasgelê is.
- Teacher: Wentzel Coetzer